Buurtvereniging "Aan de Maas" Geulle.

Gedicht Awt Gäöl.

ingezonden door Bert Ramakers.

Awt Gäöl



de kirk van Ukèfè

sjluit hawf ein, de zón sjient 

euver dae sjtroum

ich loup zúdelik euver 't jaagpaad

dènk èfkès aan de lienhawwer

van die aw sjuut vol mit sjtein 

't waor 'ne oet Aelse



oppe grindjplate 

zitte gawse en zjwane 

ze dabbe zich tösje de vaere

róndj óm mich allein mèr greun

en d'r tösjedoor dat greun en zilver 

glinsterende lèntj van de Maas

ich drej mich en zeen 

de aw kirk van Gäöl



ich koosj wal bäöke om dit landsjap

't geit mich flink aan de prie

este hiej neet wils laeve 

dan laef ste nurges

't is waste gezeen wils höbbe

veur daste sjturfs



ich gaon trök, wil neet nao Bunj

de kirk van Ukèfè sjluit nog 'ne kaer 

ich ben 'n hawf oer wiejer

loup nao 't vaer èns èfkès kieke 

biej Sjèlke of biej Sabine

kieke of zie nog in d'n tied zeen

of zie de zaak nog höbbe

ich lös wal 'n tas Bèlsje koffie



Jack Jacobs © 2019 Aelse